O'zbekiston milliy terma jamoasi Filippinga qarshi JCh-2018 musobaqasining Osiyo qit'asi 2-saralashining guruh bosqich 9-tur uchrashuvida maydonga chiqdi. Qiyin kechgan uchrashuvda O'zbekiston terma jamoasi 1:0 hisobida g'alaba qozondi. Birinchi bo'limda terma jamoamiz hisobni ochish uchun ko'plab imkoniyatlarga ega bo'ldi. Biroq, Filippin termasi posboni ancha ishonchli harakat qilib, xavfli vaziyatlarni bartaraf qildi. Mazkur bo'lining 10-daqiqasidan boshlab terma jamoamiz bir kishi ko'p bo'lib harakat qilganini alohida ta'kidlaash kerak. Ikkinchi bo'limda Samvel Babayan bir qator o'zgarishlarni amalga oshirdi va bu 59-daqiqada o'z samarasini berdi. Zaxiradan maydonga tushgan Aleksandr Geynrix jarima to'pini ishladi va uni o'zi bajardi. Tajribali hujumchimizning uzatmasidan so'ng Anzur Ismoilov nihoyat gol kiritishga muvaffaq bo'ldi. Mazkur gol uchrashuvda yagonaligicha qoldi va terma jamoamiz qimmatli uch ochkoga ega bo'ldi. O'zbekiston – Filippin 1:0 Gol: 1:0 – 59 Ismoilov O'zbekiston: Aleksandr Lobanov, Egor Krimets, Anzur Ismoilov, Server Jeparov (Geynrix, 57), Odil Ahmedov, Sardor Rashidov (Bikmaev), Igor Sergeev, Javohir Sohibov, Vitaliy Denisov, Islom To'xtaxo'jaev, Eldor Shomurodov (Hasanov, 52). Filippin: Nil Eterij, Simone Rota, Xuan Girado, Lyuk Vudland, Ian Remzi, Sato Daysuke, Amani Aguinaldo, Patrik Reychelt, Xaver Patino, Martin Shtubl, Porteria. Ogohlantirishlar: Martin Shtubl, 8 Chetlatish: Xose Elmer Porteria, 10
— deya xabar beradi uff.uz nashri.