Angliya chempionatining 9-turidan “Everton” hamda “Manchester Yunayted” klublari o'rtasidagi uchrashuv o'z nihoyasiga etdi. Unda 0:3 hisobi qayd etilib, mankunianliklarning g'alabasi bilan yakunlandi. Dastlab, o'yinning 18-daqiqasida Morgan Shnayderlin kerakli joyda kerakli vaqtda paydo bo'lib hisobni ochdi. Oradan to'rt daqiqa o'tgach, Errera yaqin masofadan Xovard darvozasiga ikkiinchi golni ham kiritdi. Ikkinchi bo'limning 62-daqiqasiga kelib Ueyn Runi “Everton” himoyachilarining qo'pol xatosidan unumli foydalanib, darvozabon bilan yakkama-yakka vaziyatda mo'ljalda adashmadi va hisobni 3:0 ko'rinishga olib keldi. Shu tariqa, “MYu” “Gudison Park”da “Everton” ustidan o'ta ishonchli g'alabaga erishdi. Angliya chempionati, 9-tur Everton – Manchester Yunayted 0:3 (0:2, 0:1)
Gollar: 0:1 – 18 Shnayderlin, 0:2 – 22 Errera, 0:3 – 62 Runi.
Everton – Xovard, Stounz, Gellouey, Koulmen, Djagelka, Lennon (Deulofeu, 73), Berri, Makkarti, Barkli, Neysmit (Kone, 46), Lukaku.
Manchester Yunayted – De Xea, Smolling, Roxo, Darmian, Djons, Mata (Lingard, 46), Shvaynshtayger (Kerrik, 74), Shnayderlin, Errera (Fellayni, 81), Marsyal, Runi.
Ogohlantirishlar: Koulmen (22), Shvaynshtayger (50), Roxo (52), Lukaku (70).
— deya xabar beradi uff.uz nashri.