Londonning “Chelsi” jamoasi “Borussiya” D va Germaniya terma jamoasi himoyachisi Mats Xummelsga qiziqish bildirmoqda. Sport Bild nashrining ma'lum qilishicha, kelayotgan yozgi transfer mavsumida “nafaqaxo'rlar” germaniyalik futbolchini sotib olish uchun “Borussiya” D klubiga taklif bilan chiqadi. 27 yoshli himoyachi dortmundliklar bilan 2017 yilgacha mo'ljallangan shartnomasini uzaytirish niyatida emas. Shu sababli, ko'plab jamoalardan unga bo'lgan qiziqish katta. Joriy mavsumda Xummels jamoasining barcha turnirlarida 41 o'yinda maydonga tushib, ikkita gol kiritdi va ikkita golli pasga mualliflik qildi.  
— deya xabar beradi uff.uz nashri.