«Barselona» vakili Karlos Naval jamoadagi jarimalar tizimi haqida ma'lumot berdi.
Unga ko'ra futbolchi mavsumda birinchi marta mashg'ulotga kechikib qolsa, 200 evro jarima to'laydi. Keyingi safar jarima miqdori ikki barobar oshadi. O'yinga birinchi marta kechikib kelgan futbolchi esa 400 evro jarimaga tortiladi. Har safar kechikkani uchun bu jarima miqdori to'rt barobar oshib boraveradi. Futbolchilar o'yin boshlanishi oldidan «Kamp Nou»ga kamida bir yarim soat oldin etib kelishlari shart.
Jarimalar to'lash borasida etakchi futbolchi Xerard Pike hisoblanadi. U mavsum davomida 6 ming evrodan ko'proq jarima to'lashga ulgurgan. Neymarning jarimalari 1200 evroni tashkil etsa, Adriano 1000 evro to'lagan.
Andres Inesta, Lionel Messi, Luis Suares, Dani Alves, Serxio Buskets va Xaver Maskeranolar biror marta jarima to'lamaganlar. Mavsum oxirida jamoa sardorlari jarimadan tushgan pullardan qanday foydalanishni hal qiladilar.
— deya xabar beradi uff.uz nashri.