Kecha «Barselona»ning afsonaviy bosh murabbiyi Yoxan Kroyf vafot etdi. Shu munosabat bilan Ispaniya matbuotida murabbiy bilan bog'liq antiqa voqealar yodga olinmoqda. Mana shunday voqealardan biri Kroyf va «Barselona»ning sobiq hujumchisi Romario haqida.
Braziliyalik hujumchi o'z yurtida bo'ladigan turli karnavallarni juda yaxshi ko'rar edi. Yoxan Kroyf shu bilan bog'liq bir holatni hikoya qilib bergan edi.
- Bir safar Romario mendan ikki kunga ruxsat so'radi. U Rio-de-Janeyrodagi karnavalda ishtirok etishni istagan ekan. Unga kelasi o'yinda ikkita gol ursa, ruxsat berishimni aytdim.
Ertasi kuni Romario ikkita golni tezda urdiyu, oldimga yugurib keldi. Aytishicha bir soatdan so'ng samolyoti uchar ekan, shuning uchun zaxiraga olishimni so'radi. Va'damni bajarishdan o'zga ilojim qolmagan edi, - deydi Kroyff.
— deya xabar beradi uff.uz nashri.