“Barselona” jamoasi bosh murabbiyi Luis Enrike “Arsenal” yarim himoyachisi Mesut O'zilga qiziqish bildirmoqda, deb xabar bermoqda AS. Manbaning ta'kidlashicha, Germaniya terma jamoasi a'zosi Ispaniyaga qaytish istagini yashirmayapti. E'tiborli tomoni shundaki, agar “Arsenal” O'zilni sotib yuborishga qaror qilsa, shartnoma bandlariga ko'ra “Real” uni dastlabki 48 soat davomida qayta sotib olish imkoniga ega bo'ladi. Shuningdek, agar “to'pchilar” Mesut O'zilni 50 mln evrodan ortiqroq summaga sotsa, “Qirollik klubi” foydaning 33 foiziga egalik qiladi. Eslatib o'tamiz, “Arsenal” rahbariyati shartnomasi 2018 yilda yakuniga etadigan  O'zil bilan kelishuvni cho'zish borasida muzokaralar olib bormoqda. 
— deya xabar beradi uff.uz nashri.