“Bunyodkor” va “Nasaf” jamoalari o'rtasidagi mamlakat kubogi finalidan keyin “qaldirg'ochlar” ustozi matbuot anjumanida ishtirok etdi.
- Avvalo, bugungi g'alaba bilan “Nasaf” jamoasini tabriklayman. Shuningdek, yaxshi o'yin uchun o'z jamoamizdagi futbolchilarga ham minnatdorchilik bildiraman. O'yinga keladigan bo'lsak, biz yomon taktika ishlab chiqmagandik. Qizil kartochkagacha o'yin bizning rejamiz asosida ketayotgandi.
Biroq maydonda bir kishi kam bo'lib qolganimizdan so'ng rejalarimiz buzilib ketdi va bu o'yinni o'zgartirib yubordi. Akramjon Komilov atayin qizil kartochka ishlab olgani yo'q. U o'yinga kirishib, ehtiroslarga berilib ketdi.
Tanaffusga unga bu borada alohida aytgandim: ehtiyot bo'l, kartochka olishdan saqlangin, degandim. Hech bir futbolchi qizil kartochkadan kafolatlanmagan. Mana shunday o'yinlar ularga tajriba maktabi bo'ladi, - deydi Baxtiyor Melievich.
— deya xabar beradi uff.uz nashri.