O'zbekiston Kubogi doirasida kechgan “Neftchi” – “Nasaf” uchrashuvidan keyingi matbuot anjumanida dastlab qarshiliklar ustozi Ro'ziqul BERDIEV ishtirok etdi. Eslatib o'tamiz, ushbu uchrashuvda «Nasaf» safarda 4:1 hisobida g'alabaga erishgan.
-Bugungi g'alabani asosiy omili – raqibga nisbatan yaxshiroq o'yin ko'rsatdik taktik jihatdan ustunlik qildik. Natijada keyingi bosqichga chiqish uchun katta qadam tashladik. To'g'risi, yirik hisobda g'alaba qozonishni kutmagandik. “Neftchi” o'z maydonida odatda hujumkor o'yin namoyish etardi. Biz yaratgan vaziyatlarimizdan samaraliroq foydalandik. Shu sabab yirik g'alabaga erishdik. Bugun tarkibimizda bir qator yo'qotishlar bor edi. Gevorkyan va Suyunov o'z terma jamoalariga jalb etilgan bo'lsa, Maqsud Karimovni kichik jarohat bezovta qilayotgandi. Uch nafar yosh futbolchimiz – Bobur Abduholiqov, Aziz G'aniev va Sharof Muhiddinov ham yoshlar termasidan chaqiruv olishgan edi... Saydulla Rahmatov? U bizning ishonchimizni to'la to'kis oqlayapti. Undan xursandmiz. Uning potentsiali yuqori.
— deya xabar beradi uff.uz nashri.