O'zbekiston Kubogi doirasida kechgan “Neftchi” – “Nasaf” uchrashuvidan keyingi matbuot anjumanining ikkinchi qismida “Neftchi” bosh murabbiyi Andrey FEDOROV qatnashdi. Eslatib o'tamiz, ushbu uchrashuvda «Nasaf» safarda 4:1 hisobida g'alabaga erishgan.
-O'yin haqida nima deyishim mumkin. Birinchi goldan keyin rejalarimiz o'zgarib ketdi. Biz o'z imkoniyatlarimizdan kelib chiqib harakat qildik. Jarohat olgan etakchi futbolchilarimizning yo'qligi ham bugungi o'yinda bilindi. Uchinchi goldan keyin jamoa butkul “to'xtadi”. Albatta o'yinni hali to'liq ko'rib, xatolarimizni tahlil qilib chiqamiz. Boshqa bunday xatolar takrorlanmasligi kerak. Boydadaevning o'yini? Bugun faqat u emas, jamoa yaxshi o'yin ko'rsata olmadi. Birinchi golni juda tez o'tkazdik. Muxlislarni noroziliginiyam to'g'ri tushunamiz. Ular haq.
— deya xabar beradi uff.uz nashri.