Osiyo Chempionlar ligasida O'zbekiston jamoalarida to'p surgan 98 ta futbolchi o'z hisobiga gol yozdirib qo'ya olgan. Quyida ana shu futbolchilar o'nligi bilan tanishishingiz mumkin.
10. Artur Gevorkyan – 5 gol
Turkmanistonlik “Qirol Artur” Osiyo Chempionlar ligasida 2010 yili “Paxtakor” libosida ikkita gol urgan bo'lsa, o'tgan mavsumda Qarshining “Nasaf” klubi libosida uchta golga mualliflik qilgan. Gevorkyan ushbu mavsumda reytingda yanada yuqoriroqqa ko'tarilish imkoniyatiga ega.
9. Denilson – 5 gol
“Bunyodkor”ning braziliyalik legioneri Denilson 2009 yili 1, 2010 yili esa 4 ta gol urishga muvaffaq bo'lgan. Denilson mazkur musobaqada umumiy hisobda 15 marta zafar quchib, bir bora turnir g'olibi bo'lganini ham ta'kidlab o'tish joiz.
8. Aleksandr Geynrix – 5 gol
Geynrix 2008-2010 yillar davomida qatorasiga uch mavsum davomida ChLda gol urgan. Sasha 2008 va 2009 yillari ikkitadan, 2010 yili esa bitta to'pni darvozaga aniq joylab qo'ygan.
7. Temurxo'ja Abduxoliqov – 6 gol
Temurxo'ja 2011, 2012, 2013 yillarda “Paxtakor” libosida ushbu turnirda 4 marta raqiblar posbonlarini ranjitgan bo'lsa, 2015 va 2016 yillarda “Lokomotiv” uchun ikkita gol urdi. Abduxoliqov OChLda 5 mavsum gol urgan to'rtta futbolchining biri hisoblanadi.
Davomi Furqat Yusupov blogida.
— deya xabar beradi uff.uz nashri.