“Barselona” klubi rahbariyati amaldagi bosh murabbiy Luis Enrikening jamoada olib borayotgan ishidan to'laligicha mamnun. Kataloniyaliklar vitse-prezidenti Xordi Mestre ma'lum qilishicha, yaqin orada ispaniyalik mutaxassisga yangi shartnoma taklif qilinadi.   “Albatta, Luis Enrikega yangi shartnoma taklif qilamiz. Bu borada klub boshqaruv organi ko'proq ma'lumot bera oladi. Luis Enrike ayni damda avvalgidek kuchli ish olib bormoqda, lekin unga bosim o'tkazilmayapti”, – deydi Xordi Mestre. Luis Enrike bundan ikki yil avval “Barselona”ga kelgan va qisqa vaqt davomida jamoani Ispaniya chempioni, Ispaniya Kubogi sohibi, EChL, UEFA Superkubogi va klublar o'rtasidagi Jahon chempionati g'olibliliga boshladi. 
— deya xabar beradi uff.uz nashri.