Mamlakat kubogining nimchorak finalida “Qo'qon-1912” jamoasiga qarshi o'yin yakuniga etgach, asosiy tarkib a'zolariga qisqa muddatlik ta'til e'lon qilingandi. Bugundan boshlab, “Navbahor“ futbolchilari Jizzaxning “So'g'diyona” klubiga qarshi uchrashuvga tayyorgarlikni boshlashdi. Rossiyalik himoyachimiz Igor Golbanning oyog'idagi kichik jarohati bezovta qilganligi sababli mashg'ulotlarda qatnasha olmayapti. Qolgan futbolchilarning barchasi bugungi mashg'ulotda ishtirok etdi. “So'g'diyona” jamoasi bilan o'tadigan o'yin 2 aprel kuni “Markaziy” o'yingohda soat 16.30da boshlanishi ma'lum bo'ldi. Jamoalarning yoshlari o'rtasida o'tadigan o'yin esa 1 aprel kuni To'raqo'rg'ondagi “Yoshlik” o'yingohida soat 16.00da boshlanadi.
— deya xabar beradi uff.uz nashri.