Iordaniya terma jamoasi bosh murabbiyi Xarri Rednapp JCh-2018 saralashi doirasida Bangladeshga qarshi kechgan o'yindagi 8:0 hisobidagi g'alabadan so'ng o'tkazilgan matbuot anjumanida biroz noqulay vaziyatga tushib qoldi.
Avvaliga Rednapp jurnalistlarning savollariga biroz tushungan va risoladagidek javob qaytargan: "O'yin juda yaxshi o'tdi. Futbolchilarning mashg'ulot va o'yin vaqtida olib borgan ishlaridan hayratga tushdim. Ajoyib yigitlar. Iordaniya futbolini yorqin kelajak kutib turibdi.
Sidneydagi o'yin? Og'ir kechishi turgan gap. Biz bugun tunda uchib ketamiz va keyin oldinga qarashni boshlaymiz.
Shahzoda Ali - o'zgacha inson, fantastik inson. U jamoani qo'llash uchun shu erga ham keldi. U futbolni yaxshi ko'radi. Shu qadar ajoyib odam", - deydi murabbiy.
Ammo shundan so'ng savol bergan iordaniyalik jurnalist ingliz va arab so'zlarini qorishtirib tashlagach, Rednapp savolni tushunishda qiyinchilikka duch keldi. Bunday noqulay vaziyatdan murabbiy yana avvalgi gaplarini takrorlagan holda chiqib ketishga harakat qilgan.
Eslatib o'tamiz, Rednapp ilgari ham murabbiylar shtabida hech kim ingliz tilini bilmasligini tan olgan va faqat bir kishi gapira olishi hamda unga ishonishdan boshqa iloji yo'qligini aytgan edi. Bugun Iordaniya JCh saralashi guruh bosqichi so'nggi turida Avstraliyaga qarshi safarda maydonga tushadi va guruh g'olibi nomi aniqlanadi.
— deya xabar beradi uff.uz nashri.