“Bunyodkor” futbol maktabining 2002 yilda tavallud topgan tarbiyalanuvchilari Qozog'istonda tashkil etilgan xalqaro musobaqada ishtirok etishmoqda. Sergey Chigodaev va Akmal Risqullaev ustozlik qilayotgan U-16 yosh toifasidagi tarbiyalanuvchilarimiz turnirni ko'tarinki ruhda o'tkazishmoqda. Vakillarimiz guruh bosqichi doirasida “Aktobe”, “Chimkent”, “Ostona” va “Ordabasi” jamoalarining barchasini mag'lubiyatga uchratib, birinchi o'rin bilan yarim finalga yo'llanma olishdi. Final yo'llanmasi uchun kechgan bahsda “Toldiqo'rg'on” jamoasi darvozasiga javobsiz 7ta gol urildi. Gollarga FarruhMuxtorov (2ta), Otabek Jo'raqo'ziev (2ta), Jasur Jaloliddinov, Diyor Rahimqulov va Sardor Abdurashidxo'jaev mualliflik qilishdi. Ikkinchi finalchi nomi bugun kunning ikkinchi yarmida aniqlanadi.
— deya xabar beradi uff.uz nashri.