Bugun, O'zbekiston milliy terma jamoasi JCh–2018 musobaqasiga 2-saralash bosqichining so'nggi, 10-turida Bahraynga qarshi bahs olib boradi. Quvonarli jihati shundaki, bo'lajak o'yin natijasidan faqli ravishda O'zbekiston termasi 3-saralash bosqichiga yo'l oldi. Sababi, Avstraliya termasi o'z maydonida Iordaniyani 5:1 hisobida taslim qildi. Shunday qilib, O'zbekistonning Bahraynga qarshi o'yinidan qat'iy nazar, terma jamoamiz “H” guruhida ikkinchi o'rin olsa ham ikkinchi o'rinni olgan eng yaxshi to'rt jamoadan biri bo'ladi. Eslatib o'tamiz, JCh–2018 3-saralash bosqichiga 12 aprel kuni qur'a tashlanadi. Unda Osiyoning eng kuchli 12 jamoasi ikki guruhga bo'lingan holda kurash olib boradi. 
— deya xabar beradi uff.uz nashri.