JCh-2018 turniriga ikkinchi saralash 10-turida O'zbekiston terma jamoasi o'z maydonida Bahrayn termasini qabul qildi va Sardor Rashidovning yagona goli evaziga minimal hisobda g'alaba qozondi.
Mazkur uchrashuvdan so'ng tashkil etilgan matbuot anjumanining birinchi qismida mehmonlar ustozi Serxio Batista ishtirok etdi.
- Durangga tortadigan o'yin bo'ldi. Bizning ham to'pga ustunlik qilgan holatimiz bo'ldi. Ammo O'zbekiston o'z imkoniyatidan kelib chiqib, g'alabani ilib ketdi. Ikkinchi bo'limda qandaydir besh daqiqa ichida o'yinimizni biroz yo'qotdik va buning evaziga jazolandik.
- To'p asosan maydon markazida bo'ldi. Birinchi bo'limda hg'ar ikki jamoa vakilllari ham kamroq hujumga o'tdi. Umuman olganda bir vaziyatdan keyingi vazitga o'tishda muammolar duch keldi. Shu sabab maqsadga erisha olmadik.
- Filippin - KXDR o'yinini ham kuzatib bordingizlarmi?
- Biz bu erga asosan O'zbekiston bilan kuch sinashish uchun kelganmiz. Ammo guruhdagi narigi o'yinni ham kuzatdik. Biroq u o'yindagi natijaldan ko'ra bu o'yin muhim edi. Shu sabab bor e'tiborimizni shunga qaratdik.
- O'zbekiston o'yinini qanday baholaysiz?
- O'zbekiston termasida tajribali va etishib kelayotgan futbolchi talaygina. Tarkib asosan yosh futbochilardan iborat bo'lgani uchun kelajagi bor deb o'ylayman. Shuningdek, bizning terma ham shunday holatda. Umid qilamizki, bundan buyon ham har ikki jamoa ham ajoyib o'yinlari bilan muxlislarni xursand qiladi.
— deya xabar beradi uff.uz nashri.