Argentina terma jamoasi hujumchisi Lionel Messi Boliviyaga qarshi (2:0) KONMEBOL qit'asidan JCh-2018 musobaqasiga saralash bahslari 6-turida gol kiritib, mamlakat terma jamoasi safida kiritgan gollari sonini 50 taga etkazdi. Uchrashuvning 30-daqiqasida Messi penaltidan unumli foydalanib, jamoasining g'alabasiga hissa qo'shdi va Argentina uchun kiritgan gollarini 50 tagacha etkazib oldi. Eslatib o'tamiz, Messi 2005 yildan buyon "albiseleste" sharafini himoya qilib keladi. U mamlakat terma jamoasi safida 106 ta o'yin o'tkazgan.
— deya xabar beradi uff.uz nashri.