Jahon Chempionati-2018 saralash raundi ikkinchi bosqich o'yinlari doirasidagi O'zbekiston – Bahrayn terma jamoalari qarama-qarshiligi 1:0 hisobida yakuniga etdi. O'yindan so'ng futbolchilar mikst-hududda internet-portalimiz muxbirlariga intervyu berishdi. Kiritgan ajoyib goli orqali terma jamoamizga g'alaba olib kelgan mahoratli futbolchi Sardor Rashidov Bahraynga qarshi bahs borasida quyidagilarni ta'kidladi. - O'yin boshlanishidan avval Osiyo Kubogi final bosqichiga chiqqan bo'lsak-da, bunga e'tibor qaratmadik. Bor diqqatimiz Bahraynni mag'lub etishga qaratilgan edi. Lekin bahs biz uchun oson ko'rinish olmadi. Boisi Bahrayn terma jamoasi futbolchilari yaxshi o'yin namoyish etishdi. Hozirgi paytda barcha terma jamoalar ham yaxshi o'yin shakllantirib borishmoqda. Natijada oradagi tafovut yo'q bo'lib bormoqda. Shu sababli ham Bahraynni yaqqol ustunlik bilan yutmadik. Davomi Sports.Uz blogida.
— deya xabar beradi uff.uz nashri.