“Barselona” jamoasi hujumchisi Lionel Messi “Real”ga qarshi Ispaniya chempionati 31-turiga tayyorgarlikni boshlab yuborgani ma'lum bo'ldi. Argentialik futbolchi JCh–2018 turniriga saralash bahsida Boliviyaga qarshi (2:0) kechgan o'yindan so'ng ushbu fikrni bildirdi. “Sog'lig'imda hech qanday muammolar yo'q. Endi Barselonaga qaytib, “Real”ga qarshi kechadigan “el-klassiko” haqida o'ylash kerak. Bu biz uchun muhim imtihon bo'ladi”, – deydi argentinalik hujumchi. Eslatib o'tamiz, navbatdagi “El-Klassiko” 2-aprel kuni, Toshkent vaqti bilan 23:30 da boshlanadi. 
— deya xabar beradi uff.uz nashri.