«Shanxay Shenxua» hujumchisi Demba Ba «Chelsi»dan qanday ketganini esladi.
- Mourino «Arsenal»ga o'tishimga yo'l qo'ymagan kunni juda yaxshi eslayman. O'shanda men ijara asosida «Arsenal»ga o'tishim kerak edi, Mourino esa endi klubga qaytgandi. Menimcha «Arsenal»ga o'tganimda faoliyatim boshqacha kechardi. Ammo transfer mavsumining so'nggi kunida Mourino bunga yo'l qo'ymadi.
Men Parijda dam olayotgan edim va «Arsenal»dan qo'ng'iroq bo'lib qoldi. Tibbiy ko'rikdan o'tish uchun Londonga qaytdim. Ammo Mourino raqibni kuchaytirishni istamadi. Men uni murabbiy sifatida tushunaman. Ammo futbolchi sifatida Mourino menga qattiq zarba bergandi.
Keyin men «Beshiktosh»ga ketishga qaror qildim. Mourino esa qolishimni so'radi va ko'proq o'yin amaliyoti berishni va'da qildi. Ammo men rozi bo'lmadim. Jamoada qolsam yana hammasi avvalgidek bo'ladi, deb o'yladim.
Oqibatda esa «Chelsi»da faqat Diego Kosta qoldi. Agar ketmaganimda darhaqiqat ko'proq maydonga tushar ekanman, - deydi senegallik hujumchi.
— deya xabar beradi uff.uz nashri.