Ba'zilar Noyerni asrimizning eng yaxshi darvozaboni va afsonaviy Oliver Kanning munosib vorisi deb atashadi. Bu fikrga Siz ham qo'shilsangiz kerak. Har holda uni sayyoramizning birinchi raqamli darvozaboni deb hisoblamasangiz-da, eng zo'rlaridan biri ekanini tan olsasiz, albatta. Ammo golkiperlar orasida o'ziga xos o'yini yubilan ajralib turadigan Manuelni nafaqat Kanning, balki Bekkenbauerning ham vorisi deb atash mumkin. Nega deysizmi? Jinday sabr qilsangiz, buni bilib olasiz.
Balki xavfli qarshi hujumga guvoh bo'larmiz!? mehmonlar hujumchisi uzoqdan oshirib berilgan to'pni mohirona egallab, raqib darvozasi tomon shitob bilan bormoqda. Boateng va Badshtuber orqada qolib ketishgan. Birga bir vaziyat!… O… Manuel Noyer uning yo'liga to'g'anoq bo'ldi. Uning davozasidan qanchalar olisga chiqib ketganiga bir qarang!
Noyer jarima maydoniga oshirib berilgan to'pni xotirjamlik bilan egallab oldi. U tezda to'pni qo'li bilan sheriklari tomon uloqtirdi… Kimga? Haa, Frank Riberiga oshirgan ekan. Qo'li bilan otgan to'ypi maydonning yarmidan o'tib ketganini ko'ryapsizmi? Endi Borussiya hujumchilar zudlik bilan himoyaga qaytishlariga to'g'ri keladi. Ulugrisharmikan?!
Pirlo to'pni Kassanoga oshirdi. O'yindan tashqari holat yo'q, axir hujumchi to'pni maydonning o'z jamoasi joylashgan qismida egallab olgandi-da. Yo'q, Antonioning yurishi o'xshamadi. Himoyachilarni dog'da qoldirdim deb o'ylashga ulgurmasidan qarshida Noyer paydo bo'lsa bo'ladimi? Maydonning markazigacha chiqib borgan darvozabon Germaniya termasi hisoyachilarining joniga ora kirdi.
Sharhlovchilarning o'yin paytlaridagi sharhidan olingan yuqoridagi jumlalarda Noyer familiyasi tilma olinmaganda ham ko'pchilik gap kim haqida ketayotganini anglab olishi shubhasiz. Hatto bu o'yinni ko'rishmagan bo'lishsa ham. “Youtube”ga oddiygina Manuel Noyer sweeper (sweeper —ing. tozalovchi degani) deb qidiruvga bersangiz kifoya. Chiqib kelgan videolarni ko'rib, gap nimadaligini tushunasiz-qo'yasiz. Yoki germaniyalik futbolchining o'yinlaridan ikkitasini ko'rsangiz, u haqda to'liq bo'lmasa-da, etarlicha tasavvurga ega bo'lishingiz mumkin. Garchi darvozasini, jarima maydonchasini tez-tez tark etib, g'ayrioddiy qiliqlari, noodatiy o'yinlari bilan ajralib tursa-da, u biribir zamonamizning eng yaxshilaridan biri bo'lib qolmoqda.
Daho, milliarder, saxovatpesha
“Qasoskorlar” filmida olingan ushbu iqtibosni eslaysizmi? Toni Stark zirhli kiyimisiz kim ekaniga javob berarkan, xuddi shu iborani tilga oladi. Noyerni eng yorqin, barchaga ma'lum fazilatlari va sifatlaridan mahrum qilgan taqdirda, unga nisbatan ham Starkning iborasini ishlatsa bo'ladi.
O'tgan mavsumda Manuel Germaniya chempionatida 32 marta maydonga tushib, shundan 20 ta o'yinda darvozasidan gol o'tkazib yubormadi. Mavum davomidagi ko'rchatkichi har bir o'yinga o'rtacha 0,56 ta golga teng bo'ldi. Bu bilan avvalgi mavsumdagi natijasini yanada yaxshiladi. Noyerning darvoza chizig'ida amalga oshirga seyvlari 73 foizni tashkil etadi — bu taxminan De Xea va Kurtua darajasiga teng degani. Bundan tashqari, u to'pga chiqishda juda ishonchli o'yin namoyish etadi: bu boradagi harakatlarining 90 foizidan ortig'i muvaffaqiyatli bo'lgan. Yana bir jihat: Manuelning darvozasiga tez-tez juda chiroyli gollar urib turishadi (masalan: Balotellining Evropa chempionatidagi, Patris Evraning EChLdagi, Ivitsa Olichning Bundesligadagi gollari) — buni shunday izohlash mumkinki, u deyarli oddiy gollarni o'tkazib yubormaydi. Buning uchun yo jamoasi himoyada sochilib ketib, u butkul yordamsiz qolishi, yo bo'lmasam raqib o'yinchisi zambarakning o'qiday aniq va kuchli zarba yo'llashi shart.
Umuman olganda, kuni kecha 30 yoshni qarshilagan Manuel klassik darvozabonlarning barcha parametrlari bo'yicha bugungi kunda Evropadagi eng zo'r posbonlardan biri hisoblanadi. Taxminan Buffon darajasidagi o'yinchi. Shunchaki an'anaviy etakchilik xususiyatlaridan tashqari Noyerda zirhli kiyimning futbolcha varianti ham bor. Darvozadan olisda o'ynash olish raqib hujumchisining yo'lini kesib chiqib, uning oyog'iga ostiga tashlanish va xavfni bartaraf etishnigina anglatmaydi. Yana ham muhimrog'i (garchi bu unchalik ko'zga tashlanib turmasa-da), Noyer libero pozitsiyasiga chiqish orqali jamoasining raqibga qaraganda bir kishi ko'proqdek o'ynash imkonini bermoqda.
“Volfsburg”ga qarshi qiyin kechgan, bahs taqdiri 2-taymdagi bir necha minutda hal bo'lgan safardagi o'yinda Noyer shu kuni 90 daqiqa to'p surgan Tomas Myuller hamda Robert Levandovskiga qaraganda 64 marta ko'proq o'yinga qo'shilgan (ya'ni to'pni qabul qilgan va kimgadir uzatgan...). Hatto “Volfsburg” safidagi 11 futbolchining 10 tasidan ko'proq to'p bilan muomala qilgan.
“Yuventus” bilan bo'lib o'tgan buyuk o'yinda esa raqib jamoa tarkibidagi hamma futbolchidan ko'proq o'yinga qo'shilgan va sheriklariga 44 marta to'p uzatgan. Bunday natijaning o'zagi Kimmixcha kuchni tejashga borib taqaladi. Bu kamroq yugurish, darvozabonning jarima maydonchasidan oldinroqqa chiqishi orqali maydonning nisbatan kamroq qismi uchun javobgar bo'lish deganidir. Shu tariqa Noyer umumjamoa gemometriyasiga hissa qo'shmoqda.
”Maydon markazidan menga gol urishmaydi“
Toping-chi, buni kim aytgan? Topolmadingiz-ov! Bundan 30 yil muqaddam aytilgan so'zlar 80-yillarda Germaniya terma jamoasining darvozasini qo'riqlagan Toni Shumaxerga tegishli. Bunga ham o'ttiz yil bo'libdi. Demak, Noyerning uslubi yangilik emas ekan. U nemis davrvozabonlari maktabining shonli an'analari davomchisi ekan. Shumaxerning monologini to'laligicha keltiramiz:
Davomi Tafsilot.Uz blogida.
— deya xabar beradi uff.uz nashri.