Madridning “Real” jamoasi himoyachisi Nacho Fernandes “Barselona”dan birinchi davrada qabul qilib olingan mag'lubiyat alamini olish niyati borligini aytib o'tdi. “Birinchi davrada “Barselona”dan uchralgan mag'lubiyatdan so'ng yuragimda kichik bir alam qolgan. O'shanda biz og'riqli mag'lubiyatni qabul qilgandik. Bo'lajak o'yin raqib maydonida bo'lib o'tishini inobatga olsak, bizga oson bo'lmaydi. Hisob qanday bo'lishini aytish juda qiyin, lekin “Barselona”ni 4:0 hisobida yutsak, yaxshi bo'lardi. Biroq so'nggi daqiqada bitta gol urib yutsak ham yo'q demasdim”, – deydi 26 yoshli ispaniyalik futbolchi. Eslatib o'tamiz, “Barselona” birinchi davrada “Real”ni 4:0 hisobida mag'lubiyatga uchratgan edi. Navbatdagi "el-klasiko" ertaga, soat 23:30 da start oladi. 
— deya xabar beradi uff.uz nashri.