"Tottenxem" klubi rahbariyati yarim himoyachi Erik Lamela bilan yangi uzoq muddatlik shartnoma imzolashga yaqin turibdi. Bu haqida The Daily Mail nashri xabar tarqatdi. Tomonlar o'rtasidagi amaldagi shartnoma 2018 yili o'z nihoyasiga etadi. Ayni damda argentinalik futbolchi haftasiga 45 ming funt sterling maosh oladi. 24 yoshli o'yinchi 2013 yili "Roma"dan "Tottenxem"ga o'tgandi. Ushbu mavsumda Lamela Angliya chempionatining 28ta o'yinida maydonga tushib, uchta gol hamda beshta golli uzatmaga mualliflik qilgan.
— deya xabar beradi uff.uz nashri.