Madridning “Real” jamoasi bosh murabbiyi Zinedin Zidan “Barselona”ga qarshi Ispaniya chempionati 31-turidan oldin o'z fikrlarini bildirib o'tdi. “El-klasiko” imtihon emas. So'nggi o'yinlarda yaxshi natijalar ko'rsatib, o'z ishimizni davom etiryapmiz. Bu shunchaki o'yin emas, muhim o'yin bo'ladi. “Barselona”ga qarshi o'yinlar doimo boshqalaridan farq qiladi. Muxlislar ajoyib o'yin kutmoqda, men esa yaxshi natijani kutaman. Futbolchilar bilan dastlabki davradagi o'yin haqida gaplashib oldim. Ular nima bo'lganini tushunib etishdi. Bu safar boshqacha o'yin bo'ladi. G'alaba qozonishga harakat qilamiz. “Santyago Bernabeu”dagi o'yinni ko'rib, tahlil qilib chiqdim ammo futbolchilarga hech nima demadim”, – deydi frantsiyalik mutaxassis. Eslatib o'tamiz, “Barselona” va “Real” o'rtasidagi uchrashuv ertaga, “Kamp Nou” stadionida bo'lib o'tadi. O'yin Toshkent vaqti bilan 23:30da boshlanadi. 
— deya xabar beradi uff.uz nashri.