Oliy Ligada 3-tur uchrashuvlari davom ettirilayotganini bilasiz.
Kecha Toshkentning “Lokomotiv” jamoasi Farg'onaning “Neftchi” klubiga qarshi bahs olib bordi. “Temiryo'lchilar”ning to'liq ustunligi ostida o'tgan matchda yirik 4:0 hisobi qayd etildi.
Mazkur matchda o'zining faolligi bilan ajralib turgan “Lokomotiv” yarim himoyachisi Sanjar Shoahmedov o'yin borasidagi fikrlarini bildirib o'tdi.
- Bugun qiyin o'yin bo'lishini kutgandik. Lekin o'yinimiz juda qovushib ketdi va natijada yirik hisobda g'alabaga erishdik. Asosiysi 3 ochko qo'lga kiritildi. Qolaversa, bizga kelasi hafta bo'ladigan Osiyo Chempionlar ligasi doirasidagi “Sepaxon”ga qarshi o'yin oldidan g'alaba juda muhim edi. Oldimizga qo'yilgan vazifani uddalay oldik. Bundan juda ham xursandman. O'z ishqibozlarimiz qarshisida bunday g'alabaga erishish yoqimli, albatta.
Bu yil oldimziga o'zimiz ishtirok etayotan barcha musoboqalarda g'alaba qozonish vazifasi qo'yilgan. Umid qilamanki, va nihoyat aynan shu mavsumda milliy chempionatimizda ham 1-o'rinni qo'lga kiritamiz, - deydi mahoratli yarim himoyachi SPORTS.uz internet-portali muxbiriga.
Davomi Sports.Uz blogida.
— deya xabar beradi uff.uz nashri.