"Buxoro" - "Paxtakor" uchrashuvidan so'ng tashkil etilgan matbuot anjumanida mezbonlar bosh murabbiyi Jamshid Saidov qatnashdi.
"Bugun stadionga minglar muxlislar kelishdi. Afsuski bayram namoyish etishni uddasidan chiqa olmadik. "Paxtakor" pressing qilishini bilardik. Raqib bir necha karra O'zbekiston chempioni va bir necha karra O'zbekiston kubogi sohibi. Dastlabki bo'limda atayin ustunlikni raqibga berib qo'ydik. O'yin oxirida ular charchab qolishlarini bilardik. Yigitlarimga rahmat aytaman. G'alaba sari intilish juda kuchli bo'ldi. Muxlislarga juda katta rahmat aytmoqchiman”-deb gap boshladi Saidov.
-O'yin davomida “Buxoro” ko'plab standart vaziyatlardan unumli foydalana olmadi. Bu vaziyatlarda hammaga ma'lumki Suxrob Nematov ancha muvoffaqiyatli harakat qiladi. Nega u maydonga tushurilmadi?
-Bugungi kunga kelib eng optimal tarkibni maydonga tushurdik. Shixov ham Salomov ham standartdan unumli foydalana oladigan futbolchilar sanalishadi. Afsus bugun ularning zarbalari o'xshamadi. Zahiradagi har bir futbolchimiz bemalol asosiy tarkibga kirishga loyiq, ular bemalol o'yinni kuchaytira olishadi.
-Sardor Rahmonov nega ko'rinmadi?
-U mashg'ulotlarda jarohat oldi. 10 kuncha davolanadi. Yaqinda Toshkentda tibbiy ko'rikdan o'tadi, hammasi yaxshi bo'lsa safga qaytadi.
-Mana oliy liga uchrashuvlarida jamoa uch o'yindir-ki, o'yindan gol ura olmayapti. Buni nima bilan izohlaysiz?
-To'g'ri, Yozyovondagi o'yinnni hisobga olmasak, uch o'yindan beri o'yindan gol urmayapmiz. Biz mashg'ulotlarda standartlarga ham katta urg'u beryapmiz. Mayli bugun gol bo'lmadi, lekin keyingi o'yinlarda albatta gol ham, g'alabalar ham bo'ladi. Men yigitlarga ishonaman. Jamoa yillar davomida shakllanadi, tarkibda yulduzlar jamlansa bu degani faqat g'alaba qozonamiz degani emas. Birozgina vaqt kerak, jamoa sifatida o'zimizga kelib olamiz. O'yindan-o'yinga o'yinimiz sifati oshib bormoqda. Bizning g'alabalarimiz hali oldinda, bunga aminman!
"Buxoro"ning maqsadi har bir o'yinda g'alaba qozonish, bunga erishish uchun mehnat qilishda davom etamiz. Yigitlarda ruhiyat bor", - deydi Jamshid Saidov.
— deya xabar beradi uff.uz nashri.