Bugun barchaning diqqat-e'tibori Ispaniya chempionatiga qaratilgan bo'sla ajab emas. La Liga 31-turida "Barselona" o'z maydonida "Real"ga qarshi bahs olib boradi. Ana shu munosabat bilan e'tiboringizga "Real" etakchisi Krishtianu Ronaldu va "Barselona" hujumchisi Lionel Messining o'zaro "El-Klassiko"larda kiritgan gollari haqida ma'lumot berib o'tamiz. 2009 yildan buyon, ya'ni Ronaldu "Real" qo'shilganidan beri azaliy raqiblar jami 24 bor “El-Klassiko”da ro'baro' kelishgan. Ushbu o'yinlada Messi 15 bor raqib darvozasini ishg'ol qilib, 10 marotaba assistentlik qilgan. Ronaldu hisobida 15 gol va 2 assistentlik mavjud. 24 uchrashuvda kataloniyaliklar 12 marotaba zafar quchgan bo'lsa, madridliklar 6 bor g'alaba nashidasini surishgan. 6 bahsda jamoalar durang qayd etishgan. Ronaldu o'zining 15 golidan to'qqiztasini "Kamp Nou"da nishonlagan. Messi esa “Santyago Bernabeu”da 10 bor mezbonlarni ranjitgan. Qayd etish kerakki, Lionel Messi o'z faoliyatida jami 31 ta "El-Klassiko"da ishtirok etib, 21 ta gol kiritishga muvaffaq bo'lgan. Eslatib o'tamiz, Ispaniya chempionati doirasidagi “Barselona” - “Real Madrid” uchrashuvi bugun, 2 aprel kuni soat 23:30 da bo'lib o'tadi.
— deya xabar beradi uff.uz nashri.