O'zbekiston chempionati 3-turida «Metallurg» Bekobodda «Sho'rtan»ni qabul qildi va ishonchli g'alabaga erishdi.
Bekobodliklar tarkibida Jahongir Abdumo'minov 5-daqiqadayoq hisobni ochdi. Qo'shichasiga 20-daqiqada Ergashev avtogol kiritib g'uzorliklarni qiyin ahvolga solib qo'ydi. Garchi 40-daqiqada Ubaydullaev hisobni qisqartirgan bo'lsa-da, ikkinchi bo'lim zaxiradan maydonga tushgan Jasur Hakimov bekobodliklarning uchinchi golini kiritdi.
Qo'shib berilgan daqiqalarda Igor Taran tomonidan kiritilgan gol faqat hisob qisqarishiga sabab bo'ldi. E'tiborli tomoni - uchrashuvning so'nggi 10 va qo'shib berilgan daqiqalarda uch futbolchi maydondan chetlatildi va ikkita gol urildi.
Oliy liga, 3-tur
«Metallurg» – «Sho'rtan»  - 3:2 (birinchi bo'lim)
Gol: Abdumo'minov 5, Ergashev 20 (avtogol) Hakimov 89 - Ubaydullaev 40, Taran 90+4
«Metallurg»: Safoev, Xoshimov, Odilov, Karimqulov, Sulaymonov, Karimov, No''monov, Abdumo''minov, Toshmatov, Abdujabborov, Abdullaev
«Sho'rtan»: Tojiboev, Ergaev, Otaqulov, Qoraev, Karimov, Mamadaliev, Taran, To'raev, Eshmurodov, Boymatov, Ubaydullaev
Chetlatish: Abdumo'minov 80, Odilov 90+4 - Mamadaliev 90
Hakamlar: A. Asimov (Toshkent), T. Galeev (Toshkent), A. Po'latov (Toshkent), I. Xudaydatov (Toshkent)
Nazoratchi: F. Abdullaev (Toshkent).
O'zPFL vakili: V. Letkin.
— deya xabar beradi uff.uz nashri.