«Barselona» bosh murabbiyi Luis Enrike «Real»ga qarshi kechadigan klasiko bahsi oldidan fikrlarini bildirib o'tdi.
- Bunday o'yinlar odamga shu qadar ko'p energiya beradiki, futbolchilarimda charchoq borligi haqida umuman o'ylamayapman. Ular bilan bo'lgan suhbatda «Real»ni mag'lub etishni bemisl darajada istayotganlarini payqash qiyin emas.
Biz o'yin uslubimizni o'zgartirmaymiz va to'p bilan ko'proq muomalada bo'lishimiz kerak. O'shanda «Real» o'z mahoratini ko'rsata olmaydi.
«Kamp Nou» bizga juda madad berishini istayman. Hech narsa muxlislarimizni «Real» ustidan qozoniladigan g'alaba kabi ruhlantira olmaydi. Albatta ayni shu fikrni madridlik muxlislar haqida ham aytish mumkin.
G'alaba qozonsak «Real»ni batamom «o'ldirgan» bo'lar edik. O'shanda yagona raqobatchimiz sifatida «Atletiko» qoladi. Shunday ekan, g'alaba qozonishimiz shart, - deydi Luis Enrike.
— deya xabar beradi uff.uz nashri.