Qirollik klubi bu o'yinda g'alaba qozona olsa ochkolar orasidagi farq 7ta qoladi, chempionat tugashiga 7tur qolmoqda. Bir tomondan qaralganda bu juda ko'pdek. Chunki «ko'k-anorranglilar» oldida bitta (nisbatan) qiyin uchrashuv qoldi, xolos. O'sha uchrashuvda Luis Enrike shogirtlari unchalik ishlari yurishmayotgan «Valensiya» bilan o'ynashadi. Boshqa tomondan qaraganda, bugungi o'yindagi g'alaba Zinedin Zidan shogirlarida motivatsiya uyg'otishi mumkin – shubhasiz, buning uchun «Real» «Barselona»ni har-bir xatosi uchun jazolashi shart. Shularni inobatga olib, bugun bizni shiddatli bahs kutib turibdi deyish mumkin.
ZINEDIN ZIDAN LUIS ENRIKEga qarshi
Zinedin boshchilikidagi madridliklarning uch oydagi natijalarini baholaydigan bo'lsak - u «Atletiko»ga yutqazdi va «Barselona» bilan oradagi farq oshdi. Lekin jamoa ichidagi vaziyat biroz bo'lsada barqarorlashtirdi deyish mumkin. «Roma» chempionlar ligasi 1/8 finalidan chiqarib yuborildi va «Sevilya» bilan bahsda chiroyli g'alabaga erishildi. Endi, ularni eng qiyin sinov kutmoqda: Madrid grandi kataloniyaliklarni ichki chempionat doirasida 4 yildirki «Kapm Nou»da mag'lub eta olmayapti.
Zidan hozirgi «Real»ni shakllantirgan emas, u shunchaki sayqal berdi. Shuning uchun undan qat'iy ravishda natija so'ralmaydi. Hattoki o'yinchilarga sir emas, jamoa mavsum oldi tayogarlikni yaxshi o'tkaza olgani yo'q. Zidanga qo'yingan minimal vazifa – «Barselona»ga munosib qarshilik ko'rsatish, hech bo'lmasa Rafael Benitesning birinchi davradagi o'yini natijasini yaxshilash. Keyin, u mag'lubiyat kechirilishi mumkin, negaki bu o'yin natijasi ulkan rejalarga ta'sir o'tkazishi mumkin. Durang ijobiy natija bo'lardi, g'alaba esa – fantastika. Shunda omma «Real» o'z Gvardiolasini topdi deyishi mumkin.
Hozirgi «Barselona» ancha kuchli raqib sanaladi – bu mavsumda Luis Enrike jamoaga shunday o'tkir vertikal hujum chizig'i o'rnatdiki, hozircha hech kim bulardan o'zini qanday himoya qilish yo'llarini topa olmayapti. Aynan shuning uchun Zidan himoyadagi o'yinni to'ldirishga harakat qiladi. Ehtimol hujumchilar zarariga ishlar?
Zidan jamoani qayta jonlantira olarmikan? Hozircha aniq emas, ko'ramiz.
MSN BBCga qarshi
O'tgan mavsum «Barselona» triosi bir-biri bilan ajoyib bog'lam yarata oldi. Endi Messi, Neymar va Suares aka-ukadek o'ynashmoqda, jamoaning deyarli barcha goli ularning nomiga yozilmoqda. «Selta» darvozasi tomon belgilangan penaltining ijrosi esa, muxlislar uchun syurprizday bo'ldi. Ilgari Messi – Ronaldu qarama-qarshiligi tinmay yangrardi hozir esa, bu qarama qarshilik triolar jangiga aylangan desak mubolag'a bo'lmaydi.
Ronaldu restoranda Beyl bilan birga kechki ovqat tanavvul qilmasligini tan oldi: portugaliyalik futbolchi do'stlik maydonda ularning o'yiniga o'z ta'sirini o'tkazmasligiga ishonadi. Biroq, «Barselona»ga qarshi o'yinda madridliklar triosi xuddi raqib triosi kabi ahil, tezkor va o'zgaruvchan o'yin namoyish etishi darkor. Bu yo'lda BBC o'z oldiga aniq yo'nalish va vazifalar qo'yishi kerak. Masalan, birinchi davradagi uchrashuvda Ronaldu xuddi o'ziga mos pozitssiya qidirgandek o'ynadi. Benzema esa 75 daqiqa davomida «uxladi». Beyl esa, chiziqdoshlarini biroz jonlantirib, tezlik qo'shib turdi, ammo bu harakatlar hech naf chiqmadi. Hozir bunday ojizlikka yo'l qo'yilmaydi: xuddi kuzgi uchrashuvdagidek. Kataloniyaliklarning har-bir himoyachisi poytaxtlik hujumchilarni alohida qo'riqlashadi.
MARSELO DANI ALVESga qarshi
«Barselona»da har tomonlama ustunlik bor, faqat quyidagilardan tashqari: Zidanda tutqich bermas Marselo bor, uning hamkasbi Dani Alves o'z yarim maydoni tomonda ko'p vaziyatlarda to'pni yo'qotib qo'yadi. Alves hujumdagi harakatlardan zavq oladi.
Davomi InterFUTBOL gazetasi blogida.
— deya xabar beradi uff.uz nashri.