Ispaniya chempionatining 31-turidan o'rin olgan "Barselona" hamda "Real" Madrid klublari o'rtasidagi uchrashuv nihoyasiga etdi. Unda 1:2 hisobi qayd etilib,madridliklarning g'alabasi bilan yakunlandi.
O'yin kutilganidek, asabiy va keskin kurashlarga boy tarzda boshlandi. Dastlabki 15 daqiqada maydon egalari to'pni o'z nazoratlarida saqlab turishga harakat qilishdi va bunga erishishdi ham. Ammo, birinchi bo'limning o'rtalarida va 30-daqiqalarga kelib, "Real" qarshi hujumlarda faollik ko'rsata boshladi. Krishtianu Ronaldu etakchilikni qo'lga olib, ikkita-uchta vaziyatlarni yaratdi.
O'z navbatida "Barselona" ham uslubiga sodiq qolib hujumlarni tindirmadi. Messi, Neymar va Suareslarda imkoniyalar paydo bo'ldi. Rakitich juda katta hajmdagi ishlarni amalga oshirdi.
Lekin, birinchi bo'limda darvozabonlar daxlsizlikni saqlab qola olishdi va jamoalar 0:0 hisobida tanaffusga chiqib ketishdi.
Ikkinchi bo'limda, murabbiylardan keraklik ko'rsatmalarni olgan jamoalar yana o'z omadlarini raqib jarima maydonchasida izlashga harakat qilishdi.
Shunday harakatlarning birida hisob ochildi. Maydon egalari burchak to'pini ishlashdi va 56-daqiqada Pike boshi bilan "Real" darvozasini ishg'ol qildi. Stadion larzaga keldi. Ammo, oradan olti daqiqa o'tar-o'tmas Marselo chap qanotda "Barsa" jamrima maydonchasiga yorib kirdi va to'pni Krossga tashladi. Toni to'pni o'z navbatida Benzemaga tashadi. Frantsiyalik futbolchi qaychi usulida Bravo darvozasini nishonga oldi va hisobni tenglashtirdi.  
Shundan keyin tomonlar yanayam hujumlarni oshirishga harakat qilib ko'rishdi. 80-daqiqada hammasiga nuqta qo'yilishi mumkin edi: Garet Beyl boshi bilan ikkinchi golni urdi, ammo hakam ushbu gol inobatga olmadi.
Shu vaziyatdan boshlab "Real" hujumlarni tindirmadi. 83-daqiqada Serxio Ramos ikkinchi sariq kartochkasi tufayli qizil olib maydonni tark etdi.
Lekin, baribir "Real" bu kecha o'z so'zi aytdi. 10 bo'lib qolgan madridliklar Ronalduning zargarono golidan keyin oldinga chiqib olishdi.
Shu tariqa "Real" juda muhim va printsipial g'alabani qo'lga kiritdi.
Ispaniya chempionati, 31-tur
Barselona – Real Madrid 1:2
Gollar: 1:0 – 56 Pike, 1:1 – 62 Benzema, 1:2 – 85 Ronaldu.
Barselona – Bravo, Pike, Alba, Dani Alves, Buskets, Rakitich (Turan, 74), Maskerano, Inesta, Neymar, Messi, Suares.
Real Madrid – Navas, Pepe, Marselo, Karvaxal, Ramos, Modrich, Kazemiro, Kroos, Beyl (Beyl, 90), Ronaldu, Benzema (Xese, 78).
Ogohlantirishlar: Ramos (10), Karvaxal (18), Suares (27), Maskerano (29), Rakitich (58).
Chetlatish: Ramos (83).
— deya xabar beradi uff.uz nashri.