“Qo'qon-1912” – “Andijon” uchrashuvidan keyin o'tkazilgan matbuot-anjumanining birinchi qismida mezbonlar ustozi Murodjon Ismoilov qatnashdi. Muxlis degani biror narsani chin dildan sevsa, har qanday holatda unga bo'lgan muhabbatini saqlab qolishi kerak. Ana shunda u haqiqiy muxlis bo'ladi. Murabbiylarga oson bo'layotgani yo'q. Shunday ekan ishqibozlar har qanday vaziyatda ham jamoani qo'llab-quvatlashi lozim. Bugun o'yin kutganimizdan ham qiyin kechdi. Eng asosiysi g'alaba qozondik. Ushbu o'yinda bor kuchlari bilan harakat qilishgani uchun shogirdlarimga minnadorchilik izhor etaman. “Qo'qon-1912” so'nggi o'yinlarda kichik hisobda g'alaba qozonmoqda. Ushbu o'yinda ham shu hisobda g'alaba qozonishni maqsad qilinganmidi? Bunday demagan bo'lardim. Natija muhim sanaladi. Lekin vaziyatlardan foydalanganimizda hisob boshqacha bo'lishi mumkin edi. Bugun mehmonlar ham bir qator vaziyatlardan foydalana olishmadi. Bizda ham ko'p imkoniyatlar bo'ldi. Bahodir Akramov bugun kichik jarohat bilan o'ynagani bois uni almashtirishga majbur bo'ldik. Bugungi kamchiliklarimiz ustida ish olib boramiz.
— deya xabar beradi uff.uz nashri.