Angliya chempionatining 32-turidan o'rin olgan “Lester” – “Sautgempton“ uchrashuvi o'z nihoyasiga etdi. Unda 1:0 hisobi qayd etilib, “tulkilar” g'alabasi bilan yakunlandi. Uchrashuv ancha qiziqarli va kurashlarga boy tarzda o'tdi. 38 daqiqasida Ves Morgan “Sautgempton” darvozasini aniq nishonga olib, hisobni ochishga muvaffaq bo'ldi. Shundan so'ng har ikki jamoada qulay imkoniyatlar yuzaga keldi, biroq muxlislar boshqa gol ko'rmadi va Klaudio Raneri jamoasi chempionlik sari yana bir yaqin qadamni qo'ydi. G'alabadan so'ng “Lester” ochkolar sonini 69 taga etkazib, ikkinchi o'rinda borayotgan “Tottenxem” bilan farqni 7 ochkoga etkazdi. “Sautgempton” 47 ochko bilan 7-pog'onada qolib ketdi. Angliya chempionati, 32-tur Lester – Sautgempton 1:0
Gol: Morgan (38)
Lester: Shmeyxel, Morgan, Fuks, Simpson, Xut, Kante, Drinkuoter, Olbrayton, Marez (Grey, 79), Vardi, Okadzaki (Ulola, 64).
Sautgempton: Forster, Fonte, van Deyk, Bertran, Targett (Tadich, 46), Vanyama, Klasi (Ostin, 73), Mane, Devis (Uord-Prauz, 73), Soaresh, Pelle.
Ogohlantirishlar: Drinkuoter (51), Fuks (88) – Vanyama (46), Tadich (75).
— deya xabar beradi uff.uz nashri.