Oliy Liga 3-turidan o'rin olgan “Navbahor” – “So'g'diyona” (0:0) uchrashuvidan so'ng “lochinlar” bosh murabbiyi Aleksandr Volkov o'yin haqida qisqacha to'xtalib o'tdi.   “Garchi g'alaba qozona olmagan bo'lsakda, qyindan yaxshi taassurotlar qoldi. Negaki jamoamiz vaqt o'tgani sayin o'zidan kutilgan o'yinni ko'rsatmoqda. Ya'ni o'yinimizda rivojlanish kuzatilmoqda. Imkoniyatlardan foydalanish borasidagi kamchiliklarimizni inkor eta olmayman. Lekin, bu muammo butun jahonda mavjud. Bugun jamoamiz a'zolari birdamlikda bir oila sifatida to'p surishdi. Faqat gol ura olmaganimiz yaxshi bo'lmadi. Nima ham qila olardik, uchrashuvda birozgina omad ham bizdan yuz o'girdi. Qolaversa, raqib ham munosib tarzda qarshilik ko'rsatdi. Jizzaxliklarni himoyadan o'ynashlarini kutgandik. Bunga bizni jamoamiz tayyor edi. Shundan kelib chiqqan holda raqib darvozasi oldida qator xavfli vaziyatlarni yuzaga keltira oldik. Agarda aniqroq harakat qilganimizda dastlabki 20 daqiqalik vaqt oralig'ida oldimizga qo'yilgan vazifani bajarish imkoniga ega bo'lardik. Afsuski, yaxshigina imkoniyatlarni ko'kka sovurdik. Ushbu kamchiliklar ustida ishlashda davom etmamiz. 90 daqiqa davomida birgina aniq zarba bera olganimizda hammasi yaxshi bo'lardi va jamoa yaxshi o'yin ko'rsatmadi degan gap-so'zlarga ham xojat qolmasdi. Nazarimda futbolchilarimiz bugun yomon tarzda harakat qilishmadi. Zerikarli o'yin bo'lmadi. Shunday bo'lganida, ishqibozlar so'nggi soniyalargacha jamoani qo'llab-quvvatlamagan bo'lishardi. Xyunyeon Choyni bugungi kunda asosiy tarkibda maydonga tushib 90 daqiqa harakat qilishga funktsional holati imkon bermaydi. Ko'pi bilan u bir taym munosib tarzda o'ynashi mumkin xolos. Uning holatini o'z nazoratimiz ostida ushlab turibmiz. Futbolchini ikkinchi bo'limda raqib jamoa va o'zimizni futbolchilar biroz toliqib qolgan holatda tarkibga qo'shmoqdamiz. Bahs boshidan harakat qiladigan bo'lsa maydonda umuman ko'rinmasligini ehtimoli yuqori. Janubiy koreyalik futbolchi uch oy davomida mashg'ulotlarda muntazam ravishda ishtirok etmagan. Bu erga kelgach, salomatligi bilan bog'lik muammolar tufayli ham maydon tashqarisida bo'ldi. O'n kun davomida futbolchini optimal holatga kelishi deyarli uddalab bo'lmaydigan vazifa. Legionerimiz, o'yindan o'yinga o'zining optimal holatiga kelishi mumkin. Ayni paytda esa u 20 daqiqa davomida mazmunli o'yin ko'rsatishi mumkin xolos. O'zimizga o'zimiz dushman emasmizku, tayyor futbolchini maydonga tushirmaslik uchun. Umuman olganda futbolchini yaxshi saviyadagi futbolchi ekanligi ma'lum. Faqatgina, u hozirda oz vaqt davomida saviyali futbol ko'rsata oladi xolos”, – deydi “Navbahor” ustozi. 
— deya xabar beradi uff.uz nashri.