"Barselona" prezidenti Xosep Mariya Bartomeu hujumchi Neymarni Braziliya terma jamoasi safida faqat Olimpiada yoki Amerika Kubogidan birida ishtirok etishi lozimligini aytib o'tdi.
"Menimcha Neymar har ikki musobaqada ham ishtirok etishi borasida "Barselona"ni ko'ndirish mumkin emas. Neymar Braziliya terma jamoasi uchun qay darajada muhim ekanini yaxshi bilamiz va Braziliya uchun Olimpiada hamda Amerika Kubogining ahamiyatini ham tushunamiz. Ammo shu bilan birga futbolchimiz uzoq davom etgan mavsumdan so'ng dam olishi lozimligini ham tushunib turibmiz. Shunday ekan, yoz davomida ikkita yirik musobaqada ishtirok etish - imkonsiz ish.
Rioda o'tadigan Olimpiadada g'alaba qozonish Neymar uchun ulkan faxr-iftixor bo'lar edi. Menimcha u faqat Olimpiadada ishtirok etsa, ideal holat bo'ladi", - deydi Bartomeu.
— deya xabar beradi uff.uz nashri.