"Liverpul" va Frantsiya terma jamoasi sobiq hujumchisi Jibril Sisse futbolchilik faoliyatini qayta tiklashga qaror qildi. O'ttiz to'rt yoshli Sisse 2015 yilning oktyabrida sog'ligida yuzaga kelgan muammo tufayli faoliyatini yakunlaganini e'lon qilgandi.
"Futbolga qaytishim haqidagi xabarlar - mish-mish emas. Belimdagi jarohat tufayli biroz to'xtab turishimga to'g'ri keldi. Futbol har doim menga quvonch olib kelgan va vaqtinchalik ketishim sog'ligim bilan bog'liq edi.
Endi barcha muammolar ortda qolgan. Operatsiya muvaffaqiyatli o'tdi va bir hafta oldin mashg'ulotlarga kirishganman", - deydi Sisse.
— deya xabar beradi uff.uz nashri.