"Liverpul" bosh murabbiyi Yurgen Klopp Angliya chempionati doirasida "Tottenxem"ga qarshi kechgan uchrashuvda (1:1) hujumchi Deniel Starrij zaxiraga chiqarilgani uchun norozi bo'lgani haqida fikr bildirdi.
"Menimcha buning hech qanday ahamiyatli tomoni yo'q, ayniqsa Starrij qay darajada mahoratli hujumchi ekanini inobatga olsa.
U maydonda qolishni va gol urishni istashi tabiiy hol. Ammo ba'zan taktik jihatdan o'yinni o'zgartirishga ehtiyoj seziladi. O'sha vaqtda bizga Origining jismoniy kuchi kerak edi va men o'yinchi almashtirdim.
Starrij norozi bo'lganini ko'rdim, ko'r emasman. Ammo bunda hech qanday muammo yo'q. Agarda Deniel maydondan xursand chiqib ketganda, xavotirga tushardim. Zaxiraga chiqayotgan futbolchilar yuzida jahl alomatini ko'rish men uchun yaxshi holat. Albatta biror yomon ish qilishmasa, masalan murabbiyni ortdan turib tepib qolishmasa", - deya hazil aralash fikrini bildiradi Klopp.
— deya xabar beradi uff.uz nashri.