Suriya futbol federatsiyasi "Chelsi" klubi sobiq bosh murabbiyi Joze Mourinoga mamlakat terma jamoasini boshqarishni taklif qildi. Bu haqida federatsiya tomonidan xabar berilgan.
"Biz  Joze Mourinoga rasmiy taklif bilan chiqishni rejalashtirganimizni xabar bermoqchimiz. Ayni vaqtda biz uchun dunyo darajasidagi murabbiy bilan shartnoma imzolash juda muhim. Biz tarixda ilk marta jahon chempionatiga yo'l olishni istaymiz", - deyiladi federatsiyaning feysbukdagi sahifasida keltirilgan xabarda. Xabarga ilova tariqasida Mourinoning agenti Jorje Mendesh nomiga yuborilgan xat ko'rsatilgan.
Eslatib o'tamiz, Suriya terma jamoasi JCh-2018 saralash musobaqasining uchinchi bosqichiga yo'l olgan.
— deya xabar beradi uff.uz nashri.