«Latsio» klubi muxlislari "Roma"ga 1:4 hisobida boy berilgan o'yindan so'ng jamoa avtobusiga hujum qilishdi.
400 atrofidagi muxlislar futbolchilar va murabbiylarni klub bazasi oldida kutib turganlar va avtobus ko'ringani hamono turli narsalarni uloqtira boshlaganlar. Uloqtirilgan narsalar orasida tosh va g'ishtlar ham bo'lgan.
Natijada politsiya ko'zni yoshlantiruvchi gazdan foydalanishga majbur bo'lgan. Bezorilardan 15 nafari qo'lga olingan. To'qnashuv davomida bir politsiyachi jarohat olgani aytilmoqda.
Eslatib o'tamiz, «Latsio» A seriyada o'tkazilgan 31 o'yindan so'ng 42 ochko jamg'arib, musobaqa jadvalida 8-o'rinni egallab turibdi.
— deya xabar beradi uff.uz nashri.