Elkasidagi jarohat hamon bezovta qilayotgani bois “Lokomotiv” himoyachisi Nemanya Yanichich “Sepaxon” bilan bo'ladigan o'yinda maydonga tusha olmaydi.
Ma'lumki, “Lokomotiv” 6 aprel kuni o'z maydonida OChL 4-tur uchrashuvini o'tkazadi. Eronning “Sepaxon” klubiga qarshi kechadigan bahs “temiryo'lchilar” uchun katta ahamiyatga ega. Bu o'yinda “Lokomotiv” faqat g'alabani ko'zlab maydonga tushadi. Ammo etakchi himoyachilardan biri Nemanya Yanichich bu uchrashuvda ishtirok eta olmaydi. Sababi uni elkasidan olgan jarohat bezovta qilmoqda.
Yanichich aynan shu og'riq tufayli Erondagi o'yinda ham ishtirok eta olmagandi. Endi u oliy liga bahslarida jamoaga yordam berishi mumkin.
— deya xabar beradi uff.uz nashri.