Jizzaxning “So'g'diyona” klubi bilan bo'lib o'tgan 3-tur uchrashuvidan keyin muxlislar orasida jamoa murabbiylar shtabida o'zgarish ro'y berishi mumkinligi haqidagi gap-so'zlar avjiga chiqdi.
Ayrim ishqibozlar “Navbahor” murabbiylar shtabida Usmon Asqaralievni ish boshlaganligi haqidagi mish-mishlarni ham tarqatishmoqda. Lekin, bu kabi ma'lumotlarda hech qanday asos yo'q. Ya'ni murabbiylar shtabida hech qanday o'zgarish kuzatilmadi. 3-tur uchrashuvidan keyin jamoa a'zolariga qisqa muddatlik ta'til e'lon qilingan. Futbolchilar ertadan boshlab Muborakning “Mash'al” jamoasi bilan bo'lib o'tadigan navbatdagi uchrashuvga tayyorgarlik ko'rishni boshlashadi.
— deya xabar beradi uff.uz nashri.