«PSJ» klubi «Barselona» hujumchisi Neymar uchun 193 million evro to'lashga tayyor bo'lib turibdi.

O'z navbatida kataloniyaliklar Neymarni sotish niyatida emas va u bilan yangi shartnoma imzolashni rejalashtirmoqda. Braziliyalik hujumchining ayni vaqtdagi shartnomasi muddati 2018 yilning yozida yakuniga etishi lozim.

«PSJ» 193 million evro mablag'ni bir necha qismga bo'lib to'lashni istamoqda. Moliyaviy feyr pley qoidalariga mos keladigan tarzda Neymar uchun to'lov amalga oshirishni rejalashtirgan.

Boz ustiga parijliklar Neymarga yiliga 20 million evro maosh taklif qilishni ko'zlab turibdilar. Bu esa yozda «PSJ»dan ketishi kutilayotgan Zlatan Ibrahimovich olgan maoshdan besh million ko'pdir.
Eslatib o'tamiz, Neymar "Barselona"da yiliga 14,5 million evro maosh oladi.
— deya xabar beradi uff.uz nashri.