"Barselona" klubi bosh murabbiyi Luis Enrike "Atletiko"ga qarshi kechadigan EChL 1/4 final dastlabki uchrashuvi oldidan o'zining fikrlari bilan o'rtoqlashdi. Eslatib o'tamiz, o'yin 5 aprel kuni Barselona shahrida bo'lib o'tadi.
"Biz oxirgi yillarda "Atletiko" bilan EChL pley-offlarida ikki marta o'ynadik. Shunday bo'lsada, raqibning haqiqiy kuchini yaxshi bilamiz. "Atletiko" - yuqori pressing qo'llaydigan va qarshi hujumlarga o'tib ketadigan top-jamoa. Ular bu safar bizga qarshi boshqacha o'ynashadi.
"Real"ga qarshi o'yinning dastlabki 65 daqiqasida yaxshi o'ynagandik. To'g'ri, xatolar qildik, axir kuchli klublarga qarshi hamisha shunaqa bo'lib keladi. Umuman olganda, biz mag'lubiyatning ta'mini unutib qo'ygan ekanmiz. Buyog'iga xulosa qilishimiz zarur.
"Atlektiko"ga qarshi o'yinga qaytsam: ularda Grizmann va Torres kabi futbolchilar bor. Ehtiyot bo'lishimiz lozim", - deydi UEFA rasmiy sayti Enrike so'zlarini keltirib.
— deya xabar beradi uff.uz nashri.