Ma'lumki, joriy yil Braziliyaning Rio-de-Janeyro shahrida XXXI yozgi Olimpiada va XV Paralimpiya o'yinlari o'tkaziladi.
Bugungi kunga kelib mamlakatimiz sportchilari tomonidan to'rt yillikning eng yirik sport o'yinlariga jami 60 ta yo'llanma naqd qilib qo'yilgan. Shundan 25 tasi Paralimpiyachilarimiz tomonidan qo'lga kiritilgan.
Oldinda yana sportning qator turlari bo'yicha yo'llanmalar o'ynaladigan musobaqalar mavjud va shuni ishonch bilan aytish mumkinki “Rio-2016” o'yinlariga qadar delegatsiyamiz safi yanada salmoqli ko'rinishga ega bo'ladi.
Quyida, XXXI yozgi Olimpiada o'yinlariga yo'llanma olgan sportchilarimiz ro'yxati berilgan:
Boks – 11 ta
Hasanboy Do'smatov (-49 kg)
Shahobiddin Zoirov (-52 kg)
Murodjon Axmadaliev (-56 kg)
Xurshid Tojiboev (-60 kg)
Fazliddin G'oipnazarov (-64 kg)
Shaxram Giyasov (-69 kg)
Bektemir Meliqo'ziev (-75 kg)
Elshod Rasulov (-81 kg)
Rustam To'laganov (-91 kg)
Bahodir Jalolov (+91 kg)
Yodgoro Mirzaeva (-51 kg)
Engil atletika – 8 ta
Sitora Hamidova – marafon (42.195 m.)
Svetlana Radzivil – balandlikka sakrash
Suxrob Xo'jaev – bosqon uloqtirish
Marina Xmelevskaya – marafon (42.195 m.)
Bobur Shokirjonov – nayza uloqtirish
Sitora Hamidova – marafon (10.000 m.)
Ekaterina Voronina – ettikurash
Andrey Petrov – marofon (42.195 m.)
Baydarka va kanoeda eshkak eshish – 5 ta
Aleksey Machalov – 1000 m. yakkalik (baydarka)
Gerasim Kochnev – 1000 m. yakkalik (kanoe)
Olga Umaralieva – 200 m. yakkalik (baydarka)
Vadim Menkov – 1000 m. ikki kishilik (kanoe)
Serik Mirbekov – 1000 m. ikki kishilik (kanoe)
Og'ir atletika – 5 ta
Og'ir atletika sport turida yo'llanmalar terma jamoalarga beriladi. Olimpiada o'yinlarida ishtirok etadigan sportchilar O'zbekiston og'ir atletika federatsiyasi tomonidan musobaqalar arafasida e'lon qilinadi.
Sport kurashlari – 3 ta
Rustam Assakalov (-85 kg) – yunon-rim kurashi
Dilshod Turdiev (- 75 kg) – yunon-rim kurashi
Ixtiyor Navro'zov (-65 kg) – erkin kurash
Suzish – 2 ta
Ra'noxon Amanova – 200 m. kompleks
Ra'noxon Amanova – 400 m. kompleks
Taekvondo (WTF) – 1 ta
2015 yil yakunlariga ko'ra Olimpiya reytingining eng og'ir vazndagi sportchilari jadvalida bir yo'la ikki nafar sportchimiz Dmitriy Shokin va Jasur Boyqo'ziev kuchli oltilikdan o'rin egallashdi. Qoidaga ko'ra, Olimpiada o'yinlarida har bir vazn toifasida bir davlatdan faqatgina bir nafar sportchi ishtirok etishi mumkin. Shu bois, “Rio-2016” o'yinlarida qaysi sportchimizni ishtirok etishi o'yinlar arafasida O'zbekiston Taekvondo (WTF) milliy assotsiatsiyasi tomonidan e'lon qilinadi.
Ma'lumot uchun. Olimpiada o'yinlariga qadar yuqorida nomlari zikr etilgan barcha sport turlarida ham ko'plab litsenzion musobaqalar o'tkaziladi.
XV yozgi Paralimpiya o'yinlariga quyidagi sport turlari bo'yicha yo'llanmalar qo'lga kiritilgan:
Engil atletika – 10 ta
Dzyudo – 8 ta
Suzish – 5 ta
O'q otish – 1 ta
Pauerlifting – 1 ta
Ma'lumot uchun. Paralimpiya o'yinlariga qadar dasturga kiritilgan deyarli barcha sport turlari bo'yicha litsenzion musobaqalar o'tkaziladi. Paralimpiya o'yinlarida Vatanimiz sharafini himoya qiladigan sportchilar nomi o'yinlar arafasida O'zbekiston Milliy Paralimpiya assotsiatsiyasi tomonidan e'lon qilinadi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.