Germaniyaning “Volfsburg” jamoasi yarim himoyachisi Yulian Drakslerning fikricha, uning jamoasida Chemrionlar ligasining yarim finaliga chiqishga imkoniyatlar bor. Chorak finalda jamoa Madridning “Real” jamoasi bilan kuch sinashadi. “Men “Real”ning “Barselona” bilan o'yinini ko'rdim. Bu o'yinda kataloniyaliklar o'yinning 65% vaqtida to'pga egalik qilishdi, ammo bizning bo'lajak raqibimiz juda yaxshi o'ynadi. Biz bilan kechadigan o'yinda “Real”ning o'zi to'pni nazorat qilishga harakat qiladi. Biz “Real”dan qo'rqmaymiz, bu futbol. Biz shunday kuchli jamoaga qarshi o'ynash imkoniyati paydo bo'lganidan baxtlimiz. Halqaro maydonda “Volfsburg” juda yaxshi o'ynaydi”, — deya Drakslerning so'zlarini keltiradi AS nashri. Ushbu jamoalar o'rtasidagi birinchi o'yin 6 aprel kuni “bo'rilar” maydonida bo'lib o'tadi, javob o'yini 12 aprelga mo'ljallangan.
— deya xabar beradi uff.uz nashri.