O'zbekiston terma jamoasi jahon chempionati saralash o'yini doirasida Bahrayn ustidan g'alaba qozondi va rekord natijani qaytardi. Quyida termamizning 6 ta g'alabali seriyasi haqida o'qishingiz mumkin.
2004 yil. 4 g'alaba. To'plar nisbati 6:0
2004 yili Ravshan Haydarov murabbiyligidagi termamiz JCh saralash o'yinida Falastin (3:0) yirik hisobda taslim etildi. Osiyo kubogi guruh bosqichida esa Iroq, Saudiya Arabistoni va Turkmaniston termalari ustidan minimal g'alabaga erishildi. Afsuski chorak finalda Bahrayn penaltilar seriyasiga ko'ra ustun kelib, vakillarimizning yoqimli an'anasiga barham berdi.
2014 yil. 4 g'alaba. To'plar nisbati 8:1
2014 yili Mirjalol Qosimov murabbiyligidagi terma jamoamiz BAAda o'tkazilgan ketma-ket to'rtta o'rtoqlik uchrashuvda BAA (4:0), Falastin (1:0), Iordaniya (2:1) va Iroq (1:0) terma jamoalari bilan kuch sinashib g'alaba nashidasini surgan. Iroqqa qarshi keyingi bahsda esa 0:0 hisobi qayd etildi va g'alabali seriya uzulib qoldi.
1999 yil. 6 g'alaba. To'plar nisbati 29:4
Osiyo chempionati saralash o'yinlari doirasida O'zbekiston terma jamoasi Bangladesh (6:0), Shri Lanka (6:0), Hindiston (3:2) va BAA (1:0) termalarini mag'lubiyatga uchratdi. O'rtoqlik o'yinlarida esa Ozarboyjon (5:1) va Mo'g'uliston (8:1) taslim qilindi. Futbolchilarimizning ketma-ket 6 o'yinlik g'alabali seriyasiga Tailand (0:2) termasi chek qo'ydi.
2008 yil. 6 g'alaba. To'plar nisbati 21:4
Jahon chempionati saralash bosqichi doirasida O'zbekiston terma jamoasi Livan (1:0, 3:0), Singapur (7:3, 3:0) va Saudiya Arabistoni (3:0) termalarini taslim qilgan bo'lsa, Iordaniya o'rtoqlik uchrashuvida (4:1) mag'lub etildi. Rauf Inileev shogirdlarining qatorasiga 6 o'yinlik g'alabali seriyasiga Saudiya Arabistoni (4:0) termasi chek qo'ygan edi.
1994 yil. 8 g'alaba. To'plar nisbati 26:7
1994 yili 8 ta o'yinlik g'alabali seriya Toshkentda o'tkazilgan “Mustaqillik” xalqaro turnirida Qirg'iziston (3:0) ga qarshi o'yindan boshlandi. Shundan keyin Rustam Akramov boshqargan termamiz Osiyo o'yinlarida Saudiya Arabistoni (4:1), Malayziya (5:0), Gonkong (1:0), Tailand (5:4), Turkmaniston (3:0), Janubiy Koreya (1:0) va Xitoy (4:2) mag'lub etildi. Osiyo o'yinlari g'olibi bo'lgan vakillarimiz keyingi yili Afro-Osiyob kubogida Nigeriyaga qarshi bahsda yutqazib qo'yib, seriyani to'xtatdi.
Davomi Furqat Yusupov blogida.
— deya xabar beradi uff.uz nashri.