“Nasaf” – “Al-Jaish” (0:0) uchrashuvidan so'ng tashkil etilgan matbuot anjumanining ikkinchi qismida “Nasaf” jamoasi bosh murabbiyi Ro'ziqul Berdiev ishtirok etdi. Ro'ziqul Berdiev: – Uchrashuv yaxshi bo'ldi, ikki jamoa ham o'z o'yinini ko'rsatishdi. Muxlislarga rahmat aytaman, bugun ular kutilganidek bizni juda yaxshi qo'llab-quvvatlashdi. -Bugun qaysi chiziqdan ko'nglingiz to'lmadi? -Bugun o'yinda albatta hujum chizig'imiz yaxshi o'ynay olmadi, ular deyarli raqib darvozasi oldida xavfli vaziyat ham tashkil qila olishmadi. Azamatni bugungi o'yinda tanlaganim, u zich himoyada yaxshi o'ynay oladi, Boburni birinchi bo'limda tushirmaganim, u ko'proq ochiq vaziyatda yaxshi o'yin ko'rsata oladi. Agar raqibdagidek hujumchi tarkibimizda bo'lganda, natija boshqacha bo'lar edi. -Bugun o'yinda “braklar” ko'p bo'ldi. -Menimcha bunga asosan hayajon sababchi bo'ldi, -Sizningcha “Nasaf”ning keyingi bosqichga chiqishga imkoni bormi? -Hali guruhda qolib ketganimiz yo'q, imkonimiz bor, kurashda davom etaveramiz. -Arturni sariq olganini qanday izohlaysiz? -U ko'rdilaringiz darvozabon bilan tuqnashib ketdi, raqib o'yinchisi unga qo'pol muomalada bo'ldi, Arturning javob qaytargani uchun hakam unga sariq kartochka ko'rsatdi deb, o'ylayman. -Bahrom Abdurahimovning o'yinidan qoniqdingizmi? -Bahromning o'tgan o'yinda olgan jarohati ham bugun halaqit berdi. Shunga uning o'yini sizlarga ma'qul kelmagandir. Ammo u qo'lidan kelgancha o'ynadi. Uning qanotda o'ynatganimiz, biz o'zlaringizga ma'lum ko'proq biz qanotlardan hujumlar uyushtiramiz, u buni uddalayapti. Endi hujumchi masalasida to'xtaladigan bo'lsam, bizning oldimizga bu yil katta vazifa qo'yilayapti, umid qilamanki yaqinda kuchli hujumchini safimizga qo'shib olamiz.
— deya xabar beradi uff.uz nashri.