OChL musobaqasi 4-turida bo'lib o'tgan “Zob-Ahan” – “Bunyodkor” (5:2) uchrashuvidan keyingi matbuot anjumanining birinchi qismida “qaldirg'ochlar” ustozi ishtirok etdi. “Bunday natijadan keyin o'yin haqida fikr bildirish oson emas. Nima deyish kerak? Hozirgi davrga chidamli bo'lish kerak. Bugun deyarli himoya chizig'isiz o'ynadik. Hisob tabloda aks etib turibdi. Bu – futbol! Unda oldindan hech nima deb bo'lmaydi. Uchrashuvdan oldin albatta ijobiy natija haqida o'ylagandim. Yana qaytarib aytaman, bunday palladan o'tib olish kerak. Hali oldinda yaxshi kunlar ham bo'ladi. Keyingi bosqichga chiqish uchun deyarli imkoniyatlarimizni yo'qotlik. To'g'ri “Lahviya” bilan kechadigan bahslarning har ikkisida muvaffaqiyat qozona olsak nimchorak finalga yo'l olishimiz mumkin. Lekin shunda ham taqdirimiz o'z qo'limizda bo'lmaydi. Hayot davom etadi. Sinib qolishimiz kerak emas. Bu mag'lubiyatni albatta tahlil qilamiz”, - deydi Sergey Lushchan.
— deya xabar beradi uff.uz nashri.