1news.uz —   “InterFUTBOL” gazetasi tahririyati O'zbekiston milliy terma jamoasi bosh murabbiyi Samvel Babayanga jahon chempionatiga chiqish vazifasini ado etish uchun so'nggi bosqich bahslarida  kuchli xorijiy maslahatchi-murabbiy zarurligini ta'kidlamoqda.
“Deyan Jurjevich ham qolaversin, mayli. O'z vazifasini, ya'ni raqiblarni kuzatishni qoyil qilyapti, shekilli, ishqilib termamiz yutib turibdi. Yana Ravshan Haydarov va Viktor Jalilovlar ham qolaversinlar. Zarari yo'q. Ammo ularning qatorida yana bir kuchli mutaxassis bo'lishi shart. Aks holda, to'rt yil oldingi tarix yana takrorlanishi hech gap emas. Axir endi JCh yo'lida Yaman va Bahrayn emas, Yaponiya va Avstraliyaga qarshi kurash olib borishimiz kerak, do'stlar…”, – deyiladi gazeta materialida.
Ma'lumki, yaqinda Suriya futbol federatsiyasi sobiq “Chelsi” murabbiyi Joze Mourinoga terma jamoa bosh murabbiyligini qabul qilish taklifi bilan chiqdi. Tez orada londonliklar jamoasini Antonio Konte boshqaradi va mavsum yakunigacha “Chelsi”da ish olib boradigan Guus Hiddink ham bo'shab qoladi.  
Guus Hiddink O'zbekistonning keyingi bosqichda bo'lishi mumkin bo'lgan raqiblari – Janubiy Koreya va Avstraliya terma jamoalari bilan katta muvaffaqiyatlarga erishgan murabbiy hisoblanadi. Balki O'zbekiston terma jamoasini ilk bor jahon chempionatiga olib chiqish vazifasini bajarish uchun shunday darajadagi maslahatchi-murabbiyning tajribasidan foydalanish maqsadga muvofiq bo'lar.
Davomi 1News.Uz blogida.
— deya xabar beradi uff.uz nashri.