«Barselona» hujumchisi Lionel Messi Chempionlar ligasi chorak finalida «Atletiko»ga qarshi kechgan bahsda gol urishning uddasidan chiqa olmadi. O'yin 2:1 hisobida «Barselona» foydasiga yakunlangan.
Shu tariqa argentinalik hujumchining kataloniyaliklar safidagi golsiz seriyasi 272 daqiqaga etdi. Messi «Barselona» safida oxirgi marta Chempionlar ligasi 1/8 finalida «Arsenal»ga qarshi kechgan javob uchrashuvining 88-daqiqasida gol kiritgan va jamoasining 3:1 hisobidagi g'alabasiga hissa qo'shgan edi.
Messi Argentina terma jamoasi safida JCh-2018 saralashi uchun Boliviyaga qarshi kechgan o'yinda penaltidan gol urgan edi. Ushbu uchrashuvda Argentina 2:0 hisobida g'alaba qozongan.
— deya xabar beradi uff.uz nashri.